ᲞᲠᲝᲔᲥᲢᲔᲑᲘ

ცენტრი თანამშრომლობს წითელი ჯვრის საერთაშორისო კომიტეტთან (International Committee of the Red Cross, ICRC), აღნიშნული თანამშრომლობის ფარგლებში ცენტრი ჩართულია პროექტის „ეროვნული შეჯიბრი საერთაშორისო ჰუმანიტარულ სამართალში“ განხორციელებაში. აღნიშნული პროექტი იმართება ყოველწლიურად და ემსახურება საერთაშორისო ჰუმანიტარული სამართლის შესახებ ცნობიერების ამაღლებას უმაღლეს სასწავლებლების სტუდენტებს შორის.

2024 წლის 15 აპრილს სსიპ საქართველოს იუსტიციის სასწავლო ცენტრმა შექმნა ქართული ენის ონლაინ კურსი, რომელიც არის უფასო და ყველასთვის ხელმისაწვდომი. კურსი განთავსებულია ცენტრის დისტანციურ სწავლების პლატფორმაზე - eacademy.tcj.gov.ge და შექმნილია გაეროს განვითარების პროგრამისა (UNDP) და გერმანიის მთავრობის  მხარდაჭერით. კურსის გავლა შეუძლია ნებისმიერ დაინტერესებულ პირს და მისი მთავარი მიზანია ქართულ ენაზე საუბრის უნარის განვითარება, რათა საქართველოში მცხოვრებ ეთნიკური უმცირესობების წარმომადგენლებს, აგრეთვე ლტოლვილებს  შეეძლოთ  ყოველდღიური საქმიანობისა თუ ურთიერთობების წარმართვა ქართულ ენაზე, სახელმწიფო სერვისების მიღება და პროფესიული განვითარება.