ტრენინგის მიზანი:

ტრენინგი მიზნად ისახავს მისცეს მსმენელებს პრაქტიკული ცოდნა სამოქალაქო საპროცესო სამართლის ძირითად პრინ­ციპებსა და ცალკეულ სამართლებრივ ინსტიტუტებზე, დაანახოს მათ შორის არ­სებული ურთიერთკავშირი და განსხვავებები, მიაწოდოს ინფორმაცია საპროცესო სამართლის ნორმის გამოყენების თავისებურებებზე, მათ სასამართლო პრაქტიკაში ინტეგრაციაზე და საპროცესო სამართლის ნორმის განმარტებასთან დაკავშირებულ სირთულეებზე. ტრენინგის მიზანია მსმენელებმა მოახდინონ სამოქალაქო საპროცესო სამართლის სფეროში პრობლემების იდენტიფიცირება და შეიმუშავონ მათი გადაჭრის მეთოდები; წარმატებით გაართვან თავი საპროცესო-სამართლებრივ ნორმათა განმარტებას საუკეთესო სასამართლო პრაქტიკისა და შესაბამისი მეთოდების გამოყენებით; შეიმუშავონ სწორი მიდგომები საპროცესო სამართალში ცალკეული საპროცესო დოკუმენტების და დასაბუთებული შუამდგომლობის შედგენის მექანიზმებთან მიმართებით, რათა მოახდინონ მიღებული დასკვნების, შედგენილი საპროცესო დოკუმენტის დამაჯერებლად და დასაბუთებულად წარმოჩენა. ტრენინგის მიზანია მსმენელებმა ტრენერთან ერთად გაანალიზონ საპროცესო სამართალის ზოგიერთ მნიშვნელოვან საკითხზე საკანონმდებლო ცვლილებების საჭიროება და სასამართლო პრაქტიკა.

ტრენინგის ძირითადი თემები:

• სამოქალაქო საპროცესო სამართლის პრინციპები, სამოქალაქო დავების განხილვის თავისებურებები,  საპროცესო ნორმათა მოქმედება დროში და სივრცეში, განსჯადობის პრობლემები სამოქალაქო სამართალწამოებაში;
• სასამართლო ხელმისაწვდომობის ლეგიტიმური შეზღუდვები მართლმსაჯულების პროცესში, პროცესის ხარჯები, მხარეთა საპროცესო უფლებები
• სასამართლო შეტყობინება და დაბარება;
•  წარმომადგენლობა სასამართლოში და სასამართლო მტკიცებულებები,
• სარჩელთა ფორმალური და შინაარსობრივი დასაშვებობა; სარჩელის უზრუნველყოფა
• დაუსწრებელი გადაწყვეტილება  -- სანქცია და პრეზუმცია
• სასამართლო გადაწყვეტილების კანონიერი ძალა და გადაწყვეტილების აღსრულების პრობლემები;
• საქმისწარმოების შეჩერება და შეწყვეტა, ზოგიერთი გამარტვივებული საქმისწარმოება;
• საქმისწარმოების თავისებურებანი სააპელაციო და საკასაციო სასამართლოებში;
• საქმისწარმოების განახლება და მისი პროცესუალურ-სამართლებრიოვი წინაპირობები.

 

ვის შეუძლია მონაწილეობა?

კერძო და საჯარო სტრუქტურებში დასაქმებულ და დასაქმებით დაინტერესებულ პირებს.

ტრენინგის ხანგრძლივობა: 14 საკონტაქტო საათი.