ტრენინგის მიზანი:

იურისტის ყოველდღიური სამუშაოს დიდი ნაწილი სხვადასხვა საკითხის სამართლებრივ ანალიზს ეხება. ასეთი ანალიზის შინაარსისა და შედეგების გადმოცემა შესაძლებელია როგორც ზეპირად ისე, წერილობით. თუ თქვენი სამუშო მოიცავს სამართლებრივი ანალიტიკური ნაწერების შექმნას: გადაწყვეტილებების წერას, თუ სარჩელებისა და შესაგებლების შედგენას, ან მემორანდუმებისა და იურიდიული დასკვნების მომზადებას, მაშინ ეს კურსი დაგეხმარებათ უფრო ეფექტიანად, დამაჯერებლად და ადვილად აღქმადი ფორმით გადმოსცეთ შესრულებული ანალიზის/კვლევის შედეგად თქვენს მიერ გამოტანილი დასკვნები თუ შეფასებები სხვადასხვა სამართლებრივი საკითხის შესახებ. 

ტრენინგის მიზანია მონაწილეებს ასწავლოს სამართლებრივი წერის TREAC მეთოდის გამოყენებით ობიექტური (Objective) და დამარწმუნებელი (Persuasive) წერილობითი ანალიტიკური ნაწერის შექმნა, როგორიცაა მემორანდუმი და გადაწყვეტილება.

ტრენინგის ძირითადი თემები:

• სამართლებრივი ანალიზი: IRAC (Issue, Rule, Application, Conclusion) მეთოდი;
• სამართლებრივი ანალიტიკური წერის მეთოდი TREAC (Thesis, Rule, Explanation, Application, Conclusion);
• კომპლექსურ ფაქტობრივ გარემოებებთან დაკავშირებული სამართლებრივი საკითხების (ზოგადი და ვიწრო) იდენტიფიცირება და გასაგები ენით  ჩამოყალიბება; 
• სამართლებრივი პრობლემების სტრუქტურირება;
• ნორმები და მათი განმარტებების ტექნიკა და ფაქტების მისადაგება განამრტებულ ნორმასთან / წესთან;
• კონკრეტული სამართლებრივი საკითხის შესახებ დასკვნისა თუ თეზისის ჩამოყალიბება ნორმის შესაბამისი ელემენტებისა და საკვანძო ფაქტობრივი გარემოებების მითითებით;
• სუსტი და ძლიერი არგუმენტების ეფექტური და ადვილად აღქმადი ფორმით ჩამოყალიბება;
• წერილობითი დოკუმენტის ტონისა და ენის განსაზღვრა მკითხველის მიხედვით;
• სტრუქტურა, გრამატიკა და წერასთან დაკავშირებული სხვა ტექნიკური საკითხები.

 

ვის შეუძლია მონაწილეობა?

საჯარო და კერძო სტრუქტურების ხელმძღვანელ პირებს, იურისტებს და სხვა დაინტერესებულ პირებს.

ტრენინგის ხანგრძლივობა: 16 საკონტაქტო საათი.