ტრენინგის მიზანი:

შრომითი ხელშეკრულების, დისციპლინური პასუხისმგებლობის დაკისრების, შინაგანაწესისა და საკადო საკითხებთან დაკავშირებული ადმინისტრაციულ-სამართლებრივი აქტების პროექტების მომზადების თავისებურებების გაცნობით, მუნიციპალიტეტის იმ მოხელეთა კვალიფიკაციისა და პრაქტიკული უნარ-ჩვევების ამაღლების ხელშეწყობა, რომელთა საქმიანობა უკავშირდება შრომითი ხელშეკრულების, დისციპლინური პასუხისმგებლობის დაკისრების, შინაგანაწესისა და საკადო საკითხებთან დაკავშირებული ადმინისტრაციულ-სამართლებრივი აქტების პროექტების მომზადებას, აგრეთვე, მუნიციპალიტეტის იმ მოხელეთა კვალიფიკაციის ამაღლების ხელშეწყობა, რომელთა საქმიანობა უკავშირდება სამართლებრივი საკითხების მოწესრიგებას.

ტრენინგის ძირითადი თემები:

• პერსონალთან ურთიერთობის (შრომითი ხელშეკრულების, დისციპლინური პასუხისმგებლობის დაკისრების, შინაგანაწესისა და საკადო საკითხებთან დაკავშირებული ადმინისტრაციულ-სამართლებრივი აქტების მომზადება) სამართლებრივი რეგულაციები.
• შრომითი ხელშეკრულების შინაარსი და მისი მომზადების წესი; პირთან შრომითი ხელშეკრულების შეწყვეტა და მასთან დაკავშირებული სამართლებრივი აქტის მომზადება.
• პირის თანამდებობაზე დანიშვნის და გათავისუფლების თაობაზე ადმინისტრაციულ-სამართლებრივი აქტის შინაარსი და მისი მომზადების წესი.
• დისციპლინური პასუხისმგებლობის თაობაზე ადმინისტრაციულ-სამართლებრივი აქტის შინაარსი და მისი მომზადების წესი.
• მივლინებასთან, შვებულებასთან და ზეგანაკვეთური სამუშაოს ანაზღაურების თაობაზე დაკავშირებული ადმინისტრაციულ-სამართლებრივი აქტის შინაარსი და მისი მომზადების წესი.
• მოხელის გადაყვანასთან დაკავშირებული ადმინისტრაციულ-სამართლებრივი აქტის შინაარსი და მისი მომზადების წესი.
• შინაგანაწესის შინაარსი და მისი მომზადების წესი.
• ადმინისტრაციული ხელშეკრულება და მისი მომზადება.

 

ვის შეუძლია მონაწილეობა?

მოხელეებს და მუნიციპალიტეტში დასაქმებულ და დასაქმებით დაინტერესებულ სხვა პირებს.

ტრენინგის ხანგრძლივობა: 14 საკონტაქტო საათი.