ტრენინგის მიზანი:

ტრენინგის მიზანია მსმენელებს გააცნოს საჯარო სამსახურში საქმიანობის სამართლებრივი და ეთიკური სტანდარტები, რომელთა დაცვა და შესრულება თითოეული მოსამსახურის ვალდებულებაა. ტრენინგის ფარგლებში მსმენელები აიმაღლებენ კვალიფიკაციას და გაიუმჯობესებენ უნარ-ჩვევებს საჯარო სამსახურის არსის, მისი გავრცელებული მოდელების, საჯარო სამსახურის რეფორმის ძირითადი მიმართულებების და პრინციპების, საჯარო სამსახურში მიღებისა და კარიერის გავლის, მოხელეთა ანგარიშვალდებულებისა და შეფასების პირობებისა და წესების გაცნობით. გაეცნობიან საჯარო მოსამსახურეთა უფლება-მოვალეობებს და გარანტიების, დარღვეული უფლებების დაცვის მექანიზმებს, იმ საფრთხეებს, რომლებმაც შესაძლოა ისინი ჩააყენოს კორუფციისა თუ სხვაგვარი ინტერესთა შეუთავსებლობისა და კანონდარღვევის მდგომარეობაში.

სწავლება მოხდება ,,საჯარო სამსახურის შესახებ“ საქართველოს კანონში უახლესი საკანონმდებლო ცვლილებების გათვალისწინებით.

ტრენინგის ძირითადი თემები:   

• საჯარო სამსახურის და ბიუროკრატიის ცნებები.
• საჯარო სამსახურის ცნება, საჯარო სამსახურის სამართლებრივი საფუძვლები.
• საჯარო სამსახურის შესახებ კანონის რეგულირების სფერო.
• საჯარო სამსახურის მართვის სისტემა.
• მოხელეთა თანამდებობების კლასიფიცირება.
• მოხელის თანამდებობაზე მიღება და მოხელის კარიერის მართვა და შეფასება.
• მოხელის უფლებები, გარანტიები და მოვალეობები.
• დისციპლინური პასუხისმგებლობა და დისციპლინური წარმოება.
• მოხელის სამსახურიდან გათავისუფლება.
• მოხელისთვის დადგენილი ეთიკის სტანდარტი.

 

ვის შეუძლია მონაწილეობა?

საჯარო სტრუქტურებში დასაქმებულ და დასაქმებით დაინტერესებულ პირებს.

ტრენინგის ხანგრძლივობა: 14 საკონტაქტო საათი.