დაიბადა 1993 წელს ქალაქ ქუთაისში. 2011-2015 წლებში სწავლობდა თბილისის სახელმწიფო სამედიცინო უნივერსიტეტში. ფლობს საზოგადოებრივი ჯანდაცვის  ბაკალავრის ხარისხს. ამჟამად სწავლობს სამაგისტრო პროგრამაზე „ჯანმრთელობის ხელშეწყობა და ჯანმრთელობითი განათლება“ იმავე უნივერსიტეტში.

სწავლის პარარელურად მიიღო სამუშაო გამცდილება სხვადასხვა დაწესებულებებში, როგორც კერძო ისე საჯარო სექტორში. გავლილი აქვს სტაჟირება: „სამედიცინო კორპორაცია ევექსის“ ქსელში არსებულ დასავლეთ საქართველოს ეროვნულ– სამედიცინო ცენტრში ეპიდემიოლოგიის მიმართულებით, ლ. საყვარელიძის სახელობის დაავადებათა ეროვნულ ცენტრში დედათა და ბავშვთა ჯანმრთელობის დეპარტამენტში და საქართველოს გარემოსა და ბუნებრივი რესურსების დაცვის სამინისტროში რადიაციული უსაფრთხოების დეპარტამენტში. მონაწილეობდა USAID-ის მიერ 2014 წელს ორგანიზებულ კვლევაში, რომელიც ემსახურებოდა საყოველთაო ჯანდაცვის სისტემის მუშაობის შეფასებას.

 სტუდენტობის პერიოდში მონაწილეობდა სამეცნიერო-კვლევით კონფერენციებში, რომლის ფარგლებშიც ჩაატარა ორი კვლევა მოზარდთა ჯანმრთელობის მდგომარეობის შეფასებისა და სურსათის უვნებლობის შესახებ მოსახლეობის ინფორმირებულობის თემატიკაზე. აღნიშნული კვლევები დაბეჭდილია კონფერენციის ფარგლებში გამოქვეყნებულ ჟურნალში.

 ფლობს ინგლისურ, რუსულ და ფრანგულ ენებს.

 როცა გავიგე, რომ მოვხვდი პროექტში ,,50 საჯარო მოხელე“ ჩემი შრომის შედეგით კმაყოფილება ვიგრძენი, გარდა ამისა მახსოვს სამი სიტყვა „ეს მხოლოდ დასაწყისია“.

სხვებისაგან  გამორჩეული  ვარ  იმით,  რომ  ვარ  ეკა  ბობოხიძე.  სწორედ  ესაა  რაც განსაკუთრებულს მხდის, მე ვარ მე.

ერთი  რამ  რაც  მინდა,  რომ  იცოდნენ  ჩემს  შესახებ  არის  ის,  რომ  არ  მახასიათებს მიღწეულით კმაყოფილება და ერთ ადგილზე გაჩერება.